 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Nahłucha začynieny dźviery.
Prahnaŭšy viačerni spakoj,
Melodyja skrypki Hvarniery
Napoŭniła smutkam pakoj.
I biŭsia ab ciesnyja ścieny
Struny rastryvožanaj płač,
Jak hraŭ jon, prahnany sa sceny,
Praklaty carkvoju skrypač.
Z učepistych ruk adzinoty
Nia vyrvacca bolej nazad...
Sa śviečki na śviežyja noty
Haračaja ŭpała ślaza.
Zalez maładzik pa hałinie
U čornuju ramu akna...
A chto jon taki – Pahanini,
U čym jaho hrech i vina?
Asudžany ŭ śviecie navieki,
Dzie praŭdy niama i na hram,
Za što jon addany na ździeki
Carkoŭnikam i pletkaram?
Dy śmiełaja mara nia hinie
U ciemry zadušłivaj, nie!
Buntarnym smyčkom Pahanini
Raśpiatyja struny kranie –
I muzyka, dušy sahreŭšy,
Pakłiča u śviet miłaty.
...Nijak nie zabudziecca,
hrešny,
Na svoj abaviazak śviaty.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
